Kosningabaráttan í Reykjavík 1987

Mikill hugur var í konum og snemma var farið í að endurskoða stefnuskrána. Í mars var opið hús á Hótel Borg þar sem hún var kynnt og ávörp flutt.

Í fimm efstu sætunum í Reykjavík voru Guðrún Agnarsdóttir, Kristín Einarsdóttir, Þórhildur Þorleifsdóttir, Guðrún Halldórsdóttir og Sigríður Lillý Baldursdóttir. Kvennalistinn höfðaði ekki bara til kvenna. Samkvæmt skoðanakönnunum studdu margir karlar listann.

Konurnar fundu fyrir miklum meðbyr og úrslitin staðfestu það. Kvennalistinn í Reykjavík fékk 14% atkvæða og þrjár þingkonur.

Úrslitin 1983 voru þau að Kvennalistinn fékk 8,4% í Reykjavík og tvær þingkonur. Það var mikill sigur að nær tvöfalda fylgið og bæta við einni þingkonu í Reykjavík. Sjá nánar skjöl hér að neðan.