Laugardaginn 28. janúar 1984 voru formlega stofnuð í Norræna húsinu Samtök um friðaruppeldi. Daginn eftir var flutt dagskrá á vegum Friðarsamtaka listamanna. Á báðum fundunum flutti Eva Nordland erindi og hin norska Birgitte Grimstad söng. Myndirnar hér að neðan eru teknar í kvöldverðarboði á Hótel Holti sem Kvennalistakonur ásamt fleirum stóðu fyrir.
Norræn kvennaráðstefna var haldin í Osló árið 1988 og mættu um 50 Kvennalistakonur á ráðstefnuna.
Kvennalistinn var með ýmsar uppákomur. Hann var með kynningarbás með ýmsum vörum til sölu, meðal annars boli og slæður með merki Kvennalistans. Einnig lágu frammi kynningarbæklingar og fréttabréf Kvennalistans á norsku.
Kvennalistinn fékk úthlutað 10 klst. til að vera með eigin dagskrá. Fluttir voru fyrirlestrar, ávörp og ræður. Einnig stóðu kvennalistakonur fyrir fjöldasöng og sýndu myndbönd. Margar eru með slæður sem Hildur Kjartansdóttir hannaði og framleiddi.
Mikil stemmning var á þinginu eins og sjá má á myndum hér fyrir neðan.
